Oarsoaldea garapen agentziak eskualdeko ekonomia sortzailearen aldeko apustuan eta Eusko Jaurlaritzak finantzatutako BERPIZTU programaren laguntzarekin, BERPIZTU ZTIM & KSI garapen profesionalerako beken programa abiarazi zuen joan den urte amaieran.

BERPIZTU ZTIM&KSI laguntza-programa bat da, teknologia erabiltzen duten edo erabili nahi duten kultura- eta sormen-proiektuen garapen profesionalerako, pertsonek beren trebetasunak eta gaitasunak eskuratzeko eta/edo hobetzeko, konexio profesional gehiago sortzeko, ekiteko bakardadea saihesteko, beren ekintzailetza-trebetasunak trebatzeko eta aurrera egiteko eta beren proiektua hobeto definitzeko. Programa honek beren proiektuetan aurrera egiten laguntzen die, lankidetza, konpromiso eta komunitate errealeko giroan haietaz gozatuz.

Lehen prestakuntza-fase intentsibo eta taldekakoan, 9 pertsonak hartu dute parte, eta esperientziazko prestakuntza, monografiko espezializatuak, networking-jarduerak eta Berpiztu ZTIM & KSI topaketak jaso dituzte. Parte hartu duten pertsonen artean, Berpiztu-ZTIM & KSI 5 proiektuk bigarren fasera igaro dira. Fase horrek honako hauek emango dizkie:

 

LAGUNTZA INTEGRALA:

Hautatutako proiektu bakoitzak banakako laguntza izango du, negozio-proiektuan kontuan hartu beharreko eremuetan aurrera egiten jarraitzeko. Hasteko, proiektuaren egoerari buruzko azterketa sakona eginez eta ibilbide-orri bat definituaz.

 

KOKALEKUA DOAN HABIAN!:

Bekak Habian! inkubagailuan 3 hilabeteko kokapena ere eskaintzen du, kulturaren eta sormenaren eremuan lankidetzako ekintzailetza-ekosistema batez busti ahal izateko, sinergiak sortzeko eta baterako lan-ingurune bat ezartzeko aukera emango duena.

 

LAGUNTZA EKONOMIKOA:

4 proiektuk pizgarri ekonomiko erantsia izango dute proiektua garatzeko erabiltzeko; 2k 3.500 euro izango dituzte, eta beste 2k 2.000 euroko laguntza ekonomikoa izango dute, materiala erosteko, aholkularitza tekniko espezializatuko gastuetarako, izena eta marka erregistratzeko gastuetarako, komunikazio-gastuetarako, azoketara joateko, proiektuarekin lotutako bidaia-gastuetarako, diseinu- eta fabrikazio-gastuetarako, prestakuntza espezializaturako eta abarretarako.

 

PARTE HARTZEN DUTEN PROIEKTUAK:

	Jarduera
Ylenia Alonso Edeso	Altzari-sorta bat eta gida ilustratu bat diseinatzea, altzari-sorta baten diseinua eta BLW metodoa (Baby Led Weaning) praktikatzeko haurtxoen elikadura osagarriaren hasieran.
Itziar Bandres Saldias	Oarsoaldeko familien errealitatea azaltzen duen film laburra, biztanleriaren kultur erakustaldiari garrantzia emanez, familia bazkariaren inguruan elkartzen den unea erabiliz
Ane Zufiaurre Seijo	Hainbat eremutako ibilbideak, eraikinak eta historia marraztea, Errenteriako ingurumenarekin lotutako pertsonaia esanguratsuak edo puntuak finkatuz, 3Dko ilustrazioen edo errealitate areagotuaren bidez.
Andoni Mutiloa Irazusta	Sex Sua musikalean oinarritutako webseriea, bideokliparen estetikarekin. Gizartean errotuta dauden hainbat ohitura eta estereotipo zalantzan jarri nahi ditu, identitate eta joera sexual desberdinen aldeko mezua zabalduz.
Laura Navarro Vega	ARAKNE LAB berrikuntza soziokulturaleko proiektu komunitarioa, ikuskizun interaktiboak ekoiztuz, fanzineak, tresnak eta atrezzoa eginez emozioak entrenatzeko eta lanbide eszenikoak ikasteko, hondakinak berrerabiliz, artisten lankidetzarekin eta sorkuntza kolektiboa kudeatuz.