ARTISAU AUZOA

Artisauen eskuak, hatz sentikorrak eta eskarmentu handikoak dira, beharbada, artisauen abiltasun handiaren erakusgarri argienetakoa. Ondo ezagutzen ditu erabiltzen dituen materialak eta haien esku trebeek beharrezkoak diren objektuak sortzen dituzte. Artisautzako lanbideak ugariak bezain anitzak dira. Egungo erronka nagusia, beraien jardunean jarraitu ahal izatea da, geroz eta azkarrago aldatzen ari den mundu honetara moldatuz, beti ere esentzia eta berezkoak dituzten ezaugarriak galdu gabe.


Zer da?

Artisau auzoa Bizi Errenteria, herriko ekonomia suspertzeko estrategiaren barruan kokatzen da. Ekimen konkretu honek hirigune historikoa birgaitzea du helburu, bertan dauden lokalak zaharberritu eta erabilera berri bat emanaz. Artisautza, sormena eta tokiko merkataritza suspertzea bultzatu nahi du. Esperientzia pilotu gisa, kulturarekin, artisautzarekin eta sormenarekin lotutako jarduerak bertan garatzeko aukerak ahalbidetzen dira, artisautzari lotutako nortasun bereziz hornitzeko.


Udalak Artisau Auzoa egitasmoaren bidez, herriko merkataritza eta jarduera ekonomikoa suspertzeko ahaleginetan jarraitzen du, indarrak batuz.

 

   

 

Artisau Auzoko kideak

 

Idoia Lizeaga, bitxigile artisaua eta lore maisua

 

Idoia Lizeaga bitxigile artisaua eta lore-maisua izan da Artisau Auzoan kokatu den lehena. Errenteriako Erdiko Kalean dauka bere estudio-tailerra, bertan, dakizkien teknikak eta baliabideak jendeari erakutsi eta normalean ikusten ez diren artelan edo artisau lanak erakusteko aukera ematen dio.

 

Nahiz eta egoera zaila den, aukera asko ikusten ditu Idoiak bere lana Artisau Auzoan garatzeko.

Idoiaren estudio-tailerra Errenteriako Udalak zaharberritu zuen ere, Oarsoaldea Garapen Agentziaren bidez eta Eusko Jaurlaritzako Turismo, Merkataritza eta Kontsumo Sailaren laguntzarekin. Horrek bultzada handia eman zion bere jarduera bertan abian jartzeko. Horrez gain, beste artisau eta eragileekin saretzeko aukerak ere sortu ziren. Ikusi zer dion:

 

 

Pixkanaka Artisau Auzoan bizia sortzen ari da, aurreneko haziek beren fruitua ematen ari dira.

 

Ainhoa Redondo, ilustratzailea

 

Ainhoa Redondo ilustratzaileak bere tailer propioa egokitu berri du hirigune historikoan. Bertan, betidanik gustuko izan dituen sorkuntza lanak gauzatu eta erakusten dabil.

"Ilustrazioek haurren eta helduen mundua batzen ditu; atsegina da, kontu-kontari dabil han-hemenka eta irudiez eta sentsazio berriez mamitzen ditu ipuinak ondorio ederrak sortuz... "

 

Uda honetan Ainhoa Redondorekin mauka motzetan!

Uztailaren 5etik aurrera marrazketa, pintura eta ilustrazioko ikastaroak eskainiko ditu, Ainhoa Redondoren ezagutzetan murgiltzeko aukera ezin hobea.

 

Ainhoa Redondo irudigilea, margolaria, ikus-entzunezko sormenean aritutakoa, txikitatik hasita ibilbide luzea egin du marrazketa munduan baina ipuingintzak eta ilustrazioak txunditu zuen eta hainbat libururi freskotasuna eta alaitasuna eman die bere ilustrazioen bidez, hala baitira bere irudiak; ederrak, freskoak, alaiak, izaera propioa duten horietakoak.


HABIAN! Inkubagailuan egon bitartean hainbat proiektu jarri ditu martxan,  OROIMIN bilduma, besteak beste, BARRUTIK KANPORAKO IRRIAK eta argitaletxe ezberdinetan ere aritutakoa da, horien artean Denonartean, Elkar, Ikastolen Elkartea, Desclee eta Ibaizabal.


Ikasturtean zehar sormen tailerretan murgilduta egon  ondoren, orain, bere pasioa transmititzeko ilustrazio ikastaroak eskainiko ditu, beraz, uda honetan zure irudimenari eta sorkuntzari bultzadatxo bat emateko asmoa baduzu, ez dago aukera hoberik. Uztailean, Errenteriako Artisau Auzoan duen lokalean ikastaroak eskainiko ditu Ainhoak (Orereta kalea, 2.zenbakia. Errenteria. 13/20 ARTE TAILERREAN).

                     
Ikastaroak uztailaren 5etik 9ra edota uztailaren 12tik 16ra izango dira.


Ikastaroan izena emateko zuzenean tailerrera jo edo info@ainhoaredondo.eus helbidera idatzi
urritik ekaina bitartean egiten dituen ikastaroez jakin-mina baduzu bertaratu zaitezke edo aipatutako helbide elektronikora idatzi.

Atera ezazu barnean daramazun artista !


www.ainhoaredondo.eus

 

 

KROMOSOMA. Eva Diaz de Isla eta Alberto Monroy

Errenteriako Artisau Auzoak bizilagun berria dauka, KROMOSOMA tailerreko kideak kokatu dira Erdiko kaleko 13.zenbakian dagoen lokalean.

KROMOSOMA dagoeneko ibilbide luzea duen enpresa da, Eva Diaz de Isla eta Alberto Monroyk 2014.urtean sortua, tailerra dute Beraunen eta orain Artisau Auzoko lokal honetan beraien produktuak saltzeko aukera ere izango dute.

 

Zurezko jostailu didaktikoak diseinatzen eta ekoizten dituzte eskuz, ingurumena errespetatzen duten materialekin eginak. Haurren garapenean beraien aletxoa jarri nahi dute, bai eta haien familien garapenean ere, partekatutako jolasaren une berezi horretan parte hartuz eta psikomotrizitatea, garapen motorra, adimen bisuala, irudimena, sormena bezalako arloak landuz. Horrez gain, kalea hainbat tailer antolatzeko edo jolasteko espazio gisa berreskuratzea dute helburu, baita jostailuen zaharberritzea ere.

    

  Arestian aipatu bezala, bost urte baino gehiago daramatzate artisautzan profesionalki, hainbat proiektutan ibili dira, lankidetzan Errenteriako udalarekin eta beste hainbat eragileekin eta erakundeekin; familien kontziliaziorako programa Don Boscorekin, Bisortu proiektua Emaus Taldea gizarte fundazioarekin, Emakumeen bira etapako lankidetza Errenterian, Errenteriako Udaleko Gizarte Zerbitzuekin "ateak zabalduz" programan partaidetza, Errenteriako Gurutze Gorriarekin hainbat kolaborazio, Tknikako erakusketan parte hartzea, Eskulanak Laguntasuna erretiratuen elkartean, besteak beste. 

Era berean, jostai             luez gain, tailerrean prestatutako kaleko jolasen aukera zabala dute, interesa izan dezaketen kolektiboen eskura jartzen dituzte: ikastetxeak, auzo-elkarteak, haur-taldeak, etab.  

 

Horrez gain, tailer ugari eskaintzen dituzte, tarteka iragarriko dituztenak: sortu zure jostailua, sortu zure goitibera, sortu zure txontxongiloak, bizikletazko piezak birziklatzea, zuraren gaineko serigrafia,... Elkarlanerako eraikuntzak, ekitaldietan dekorazioa eta hiri-dekorazioa ere lantzen dute.

Ezagutu gure bizilagun berriak Erdiko kalea 13an eta  kromosomatailerra.com-en.