Ekitaldian sortzaileak izango dira, ekainaren 25era arte Jantziaren Zentroan ikusgai egongo diren artelanak azalduko dituztenak, eta haiek ezagutzeko eta elkarrizketatzeko aukera eskainiko da. Saioa Matxain, Rubén Pantiga, Ainhoa Ibarguren, Marta Marek eta Elena Rodríguez Ranzek euren moda, ehungintza, bitxigintza eta jostailu bakar eta bereziak aurkeztuko dituzte Jantziaren Zentroaren beheko solairuan.

Aizpea Otaegi alkateak ere parte hartuko du topaketan eta bertako kulturak eta sormenak duten garrantziaz hitz egingo du.

Ekitaldia aukera paregabea da bertako artisten lana gertutik ezagutzeko eta Errenterian kulturaren eta sormenaren garapena bultzatzeko.

 

Ez galdu! Sarrera doakoa eta jende guztiarentzat irekia da.

 

Habian! -eko egoiliarren erakusketa doan bisitatu daiteke Kapitain Etxeko beheko solairuan ekainaren 25era arte. Ordutegia: larunbatetan 11:00-14: 00/17: 00-20: 00 eta igandeetan 11:00/14:00.